Versión de HTML Básico
IES “Fuente de la Peña” (Jaén)
SALUSTIO: “Bellum Iugurthinum” (SELECCIÓN de textos)
Departamento de Latín
Por: Jaime Morente Heredia (Profesor de Latín)
28
SELECCIÓN: Cap. XLI,6-8: Supremacía de la nobleza.
Paucorum arbitrio belli domique agitabatur; penes eosdem aerarium prouinciae
magistratus gloriae triumphique erant; populus militia atque inopia urgebatur; praedas
bellicas imperatores cum paucis diripiebant: interea parentes aut parui liberi militum, uti
quisque potentiori confinis erat, sedibus pellebantur.
SELECCIÓN: Cap. XLII,1: la nobleza asesina a los defensores de la plebe.
Nam postquam Tiberius et Caius Gracchus, quorum maiores Punico atque aliis bellis
multum rei publicae addiderant, vindicare plebem in libertatem et paucorum scelera
patefacere coepere, nobilitas noxia atque eo perculsa modo per socios ac nomen Latinum,
interdum per equites Romanos, quos spes societatis a plebe dimouerat, Gracchorum
actionibus obviam ierat; et primo Tiberium, dein paucos post annos eadem ingredientem
Gaium, tribunum alterum, alterum triumuirum […], cum M. Fuluio Flacco ferro
necauerat.
SELECCIÓN: Cap. XLIII,1-2: el cónsul Metelo se hace cargo de Numidia.
Post Auli foedus exercitusque nostri foedam fugam Metellus et Silanus consules designati
prouincias inter se partiuerant, Metelloque Numidia evenerat, acri viro et, quamquam