Versión de HTML Básico
IES “Fuente de la Peña” (Jaén)
CÉSAR: “Bellum Gallicum” (Selección de textos)
Departamento de Latín
Por: Jaime Morente Heredia (JD)
20
XLIX (1-3) Los galos se dirigen contra César. Cicerón informa a César.
Galli, re cognita per exploratores, obsidionem relinquunt, ad Caesarem omnibus copiis
contendunt. Hae erant armata circiter milia LX. Cicero, ab eodem Verticone, quem supra
demonstravimus, data facultate, Gallum reperit qui litteras ad Caesarem deferat; hunc admonet, iter
caute diligenterque faciat; perscribit in litteris hostes ab se discessisse omnemque ad eum multitudinem
convertisse.
L (4-5) Órdenes de César ante el combate.
Prima luce hostium equitatus ad castra accedit proeliumque cum nostris equitibus committit.
Caesar consulto equites cedere seque in castra recipere iubet, simul ex omnibus partibus castra altiore
vallo muniri portasque obstrui atque in his administrandis rebus quam maxime concursari et cum
simulatione agi timoris iubet.
LI (5) César derrota a los galos.
Tum Caesar, omnibus portis eruptione facta equitatuque emisso, celeriter hostes in fugam dat,
sic uti omnino pugnandi causa resisteret nemo, magnumque ex eis numerum occidit atque omnes armis
exuit.
Se extiende la noticia de la victoria de César. Se normaliza la situación.
LVIII (6-7) Induciomaro, jefe de los tréveros, que había intentado otra sublevación, muere a
manos del ejército del legado T. Labieno.
Comprobat hominis consilium fortuna, et cum unum omnes peterent, in ipso fluminis vado
deprehensus Indutiomarus interficitur, caputque eius refertur in castra: redeuntes equites quos possunt
consectantur atque occidunt. Hac re cognita omnes Eburonum et Nerviorum quae convenerant copiae
discedunt, pauloque habuit post id factum Caesar quietiorem Galliam.