PRIMERO DE
BACHILLERATO |
FÁBULAS SIN VOCABULARIO) |
I.
Europa |
Europa, Argipis et Agenoris filia,
Sidonia erat. Hanc Iuppiter, in taurum conversus, a Sidone Cretam
transportavit et ex ea procreavit Minoem, Sarpedonem et Rhadamanthum. Huius
pater Agenor suos filios misit ut sororem reducerent aut ipsi in suum conspectum
non redirent. Phoenix
in Africam profectus est, ibique remansit; inde Afri Poeni appellati sunt.
Cilix suo nomine Ciliciae nomen indedit. Cadmus cum errasset, Delphos
devenit. Ibi responsum accepit ut a pastoribus bovem emeret qui lunae signum
in latere haberet eumque ante se ageret; ubi decubuisset, ibi fatum esse eum
oppidum condere et ibi regnare Cadmus, sorte audita, cum imperata perfecisset
et aquam quaereret, ad fontem Castaliam venit, quem draco, Martis filius,
custodiebat. Qui cum socios Cadmi interfecisset, a Cadmo lapide interfectus
est, dentesque eius, Minerva monstrante, sparsit et aravit, unde Spartoi
enati sunt. Fábulas. CLXXVIII |
NOTAS: |
II. Minos |
Minos, Iovis et Europae filius, cum Atheniensibus belligeravit, cuius
filius Androgeus in pugna occisus est. Qui posteaquam Athenienses vicit,
vectigales Minois esse coeperunt; instituit autem ut anno uno quoque septenos
liberos suos Minotauro ad epulandum mitterent. Theseus posteaquam a Troezene
venerat et audivit quanta calamitate civitas afficeretur, voluntarie se ad
Minotaurum pollicitus est ire. Quem cum pater mitteret, praedixit ei ut, si
victor reverteretur, vela candida in navem haberet; qui autem ad Minotaurum
mittebantur velis atris navigabant. |
NOTAS: |
III. Theseus |
Theseus posteaquam Cretam venit, ab Ariadna, Minois filia, adamatus
est adeo ut fratem proderet et hospitem servaret. Ea enim Theseo monstravit
labyrinthi exitum. Quo cum Theseus introisset et Minotaurum interfecisset,
Ariadnae monitu licium revolvendo foras egressus est, eamque, quod fidem ei
dederat, in coniugio secum habiturus avexit. Fábulas, XLII |
NOTAS: |
IV. Ariadna |
Theseus in insula Dia
tempestate retentus, cogitans si Ariadnam in patriam portaret, sibi opprobium
futurum esse, in Ínsula Dia durmientem reliquit. Quam Líber amans inde sibi
in coniugium abduxit. Theseus autem, cum navígaret oblitus est atra vela
mutare, ¡taque Aegeus pater eius, credens Theseum a Minotauro consumptum
esse, in mare se praecipitavit, ex quo Aegeum pelagus dictum est. Theseus autem Phedram, Aríadnae
sororem, in coniugium duxit.
|
NOTAS: |
V. Prometheus |
Homines antea ab immortalibus ignem
petebant, neque in perpetuum servare sciebant. Quem postea Prometheus in
ferulis detulit in terras, hominibusque monstravit quomodo ignem, cinere
obrutum, sevarent. Ob hanc rem Mercurius, Iovis iussu, deligavit eum in monte
Caucaso ad saxum clavis ferreis, et aquilam apposuit quae cor eius exesset. Quantum die ederat, tantum nocte
crescebat. Hanc aquilam post XXX annos Hercules interfecit, eumque liberavit. Fábulas, CXLIV |
NOTAS: |
VI.
Pandora |
Prometheus, Iapeti filius, primus
homines ex luto finxit. Postea Vulcanus, Iovis iussu, ex luto mulieris
effigiem fecit, cui Minerva animam dedit, ceterique dii alius aliud donum
dederunt; ob id Pandoram nominarunt. Ea data est in coniugium Epimetheo fratri. Inde nata est Pirra, quae dicitur prima
mortalis esse creata. Fábulas, CXLII |
NOTAS. |
VII. Deucalion et Pyrra |
Cataclysmus, quem nos diluvium dicimus, cum
factus est, omne genus humanum interiit praeter Deucalionem et Pyrram qui in
montem Aetnam, qui altissimus in Sicila esse dicitur, fugerunt. Hi, propter
solitudinem cum vivere non possent, petierunt ab Iove ut aut homines daret
aut eos pari calamitate afficeret. Tum luppiter iussit eos lapides post se
iactare; quos Deucalion iactavit viros esse iussit, quos Pyrra, mulieres.
|
NOTAS: |
PROGRAMACIÓN DE LATÍN (primero de
bachillerato) I.E.S. “Fuente de la Peña” de Jaén (Jaime
Morente Heredia) |